Festivali i Këngës këtë vit pati 20 artistë konkurrues, mes të cilëve pretendentë ishin Ronela Hajati dhe Alban Ramosaj. Fituese u shpall Ronela, e cila konkurronte me këngën “Sekreti”, por edhe Albani nuk mbeti mbrapa për nga mbështetja që mori dhe emocionet që dhuroi. Nga ana tjetër edhe Evi Reçi ishte ndër emrat që publiku e deshi shumë. Pas spektaklit tre ditor që mori gjithë vëmendjen e publikut ka pasur reagime nga Ramosaj, por edhe nga Evi.
Këngëtarja postoi mbrëmë një foto dhe pak fjalë për të treguar çfarë përjetoi këtë Festival, me mirënjohje për bashkëpunëtorët, por edhe mbështetje për Ronçen siç e quan ajo.
“Mbase jemi mësuar që pas çdo konkursi të kemi hatërmbetje apo të ndjejmë negativitet për kolegët tanë, por ky nuk është rasti! Nëse do të ishit brenda zemrës sime, do kuptonit që unë zemrën sot e kam plot, të mbushur me mirënjohje dhe emocione të dhuruara nga publiku pa kushte! Sa bukur të jesh live, të kendosh, të japësh zemrën aty në skenë! Një falenderim bashkëpunëtoreve që janë gjithmonë aty për mua. Faleminderit shumë po shumë që keni përqafuar këngën e Flamur Shehut dhe Zhuljana Jorganxhit! Dhe dërgoni energjinë e mirë tek Ronçja”, ka shkruar Evi Reçi.
https://www.instagram.com/tv/CYGngYbpSSo/?utm_medium=copy_link
Nga ana tjetër, Albani mori dy ditë pushim pas Festivalit dhe pak më parë me një dedikim të gjatë shkruar në media sociale u shpreh: “Ky vit, fal jush ishte i imi! Jo për numrat e trofeve që kam çuar në shtëpi, por prej dashurisë masive që më keni falur dhe siç dëgjoj, shoh, ndjej dhe lexoj po vazhdoni të ma jepni pa kushte, pa kursim…”, shkruan Albani për publikun. Ndërsa për ata që nuk e duan ka përdorur humor dhe ironi: #LejNajLlafPaThene #EMbajNjeSyMbyll
“O Ma, FITOVA!! Fitova dashni, duartrokitje, eksperience, mësime, miq të rinj (ndër të cilët: Gjergj Leka!!), fitova respekt! Faleminderit për çdo sakrificë dhe mund që ke derdhur për t’më fal mundësinë e të jetuarit jetën ashtu siç ma ka shpirti… poetikisht. Të kam “borxh” frymën”, shkruan këngëtari për Antigonën. Por mes fjalëve nuk harron diçka edhe për Beatrix: “Kur të lexosh, dua ta dish që bëra me të mirën time, madje ia kalova Albanit të mëparshëm! Shpresoj të jesh krenare për progresin dhe performancat e vëllait tënd. Ju Dua, përgjithmonë”.
https://www.instagram.com/p/CYJLlIgKvNG/
