Alban Skënderaj është padyshim një ndër këngëtarët më të mirë të muzikës shqiptare. Muzika që ai bën dëgjohet në çdo vend ku flitet shqip, jo më kot krijimet e tij mbahen si më të veçantat. Së fundmi presim nga Albani një koncert recital, suksesi i të cilit është i padiskutueshëm dhe faktet flasin vet, pasi biletat e para janë shitur brenda 1 ore.
Sot Albani ka qenë i ftuar në ‘Wake up’ në Top Channel. Ndër të tjera atë e kanë pyetur për ndjesinë që ka kur dëgjon këngët e veta në publik. “Kur jam në makinë dhe jam vetëm ndonjëherë e ngre zërin e radios, por kur jam me njerëz e ul sepse vihem në siklet. Më ka ndodhur edhe të jem në lokal dhe i kam thënë kamarierit ule muzikën se është turp” –ka treguar Albani. Modestia e ka karakterizon këtë personazh dhe kjo duket qartë./revistawho.com
