Në ditën e lindjes së saj, ashtu siç i takon, Albani është kujdesur t’i dhurojë një yll vetë yllit të tij, Çiljetës. Këngëtarja ka ndarë në ‘Instastory’ dhuratën e të dashurit të zemrës së saj, duke mos i fshehur emocionet e një dhurate kaq të veçantë për 36-vjetorin.
“Kur të ble dashuria një yll në qiell dhe e quan Çiljeta. Faleminderit që ma mbush zemrën me kaq dashuri. Dhurata më e mirë ndonjëherë”, ka shkruar Çiljeta krah fotove të çertifikatës së yllit në qiell që tani mban emrin e saj.
Epo përveçse i urojmë Çiljetës ta gëzojë këtë ditëlindje dhe gjithë jetën, një tjetër pyetje na vjen në mend. Kush tjetër do donte të kishte një yll në qiell me emrin e vetë?
Nuk ka dhuratë më të bukur sesa dashuria, sidomos në momente të vështira si ky që sapo kalon Çiljeta, që këtë javë ka humbur të atin./revistawho.com
