Koncerti sinfonik nga “3 Musketjerët”, Aleksandër Gjoka, Elton Deda dhe Redon Makashi, ishte eventi artistik i javës në Tiranë, duke mbushur si rrallëherë sallën e Pallatit të Kongreseve. Për të shuar kureshtjen se çfarë ndodh kur muzika “rock” vishet me nota klasike dhe shijuar tri zërat, natyrisht që nuk mund të mungonin familjarët e këngëtarëve me emër, të cilët kanë preferuar ta ndjekin koncertin e tyre nga paskuintat. Kështu, nga Italia, për ta dëgjuar live Aleksandër Gjokën, kishin udhëtuar Bashkëshortja Merita dhe vajza e tyre 20 vjeçare, Xhoel. Ato jetojnë jashtë vendit që prej vitit 1998, bashkë me djalin e familjes, Rei, i cili është bërë baba para katër vitesh. Paparazzi ynë e ka fotografuar Gjokën të lumtur në mes të dy femrave të familjes. Pyetjes së gazetarëve nëse ndonjë prej fëmijëve trashëgon talentin e tij si këngëtari, me zërin më të rrallë në Shqipëri, Sandri i është përgjigjur se djali Rei ka vesh muzike, por nuk preferoi të merrej me muzikë, pasi vendosi të studionte për Informatikë. Burimi: panorama.com.al
