Një padi është ngritur kundër Alex Baldwin, nëpërmjet së cilës pretendohet se e shtëna, e cila rezultoi fatale duke i marrë jetën kinematografistes Halyna Hutchins nuk ishte pjesë e skenarit të filmit “Rust”.
Ka qenë mbikëqyrësja e skenarit, Mamie Mitchell personi që e thirri policinë pas ngjarjes tragjike dhe po ajo ngritur akuzën.
Në një konferencë shtypi të mërkurën, avokatja e saj Gloria Allred e përshkroi sjelljen e Alex dhe producentëve të filmit si “të pamatur”. Po ashtu, ajo akuzoi ata se nuk kishin respektuar protokollet e sigurisë. Sipas raportimeve në Gjykatë, aktorit iu dorëzua arma nga ndihmësi i regjisorit të filmit, pasi kishte sinjalizuar se ishte një armë e ftohtë.
Përgjegjësja për armët dhe municionet në xhirime ka thënë se nuk është në dijeni sesi brenda armës përfundoi plumbi i vërtetë. Nga ana tjetër, nuk ka pasur asnjë koment nga Baldwin-i dhe producentët e përmendur në padi./revistawho.com
