Prej vitesh pjesë e ekranit dhe një nga më të pëlqyerat e publikut. Mjaft aktive në rrjetet sociale dhe në daljet publike për sa i përket jetës profesionale, por kur bëhet fjalë për jetën private, Alketa Vejsiu është mjaft e rezervuar. Fëmijët dhe partnerin e saj ka preferuar që ti mbajë sa më larg vëmendjes mediatike, madje shumë pak e kemi dëgjuar të flasë për ta.
Megjithatë javën e kaluar, në emisionin “Në kurthin e Piter Pan”, Alketa ‘theu rregullat’ duke bërë publike portretet e fëmijëve të saj, ndërsa për bashkëshortin e kemi parë të postojë vetëm pjesëza fotosh me dedikime dashurie.
Si rrallë herë, në një intervistë për emisionin “Mos i fol shoferit’, Alketa ka treguar për partnerin e jetës. Ajo u shpreh se ishin sytë blu ata të cilët e bënë të dashurohej pas tij.
“Sytë, nga sytë filloi gjithçka, se i ka blu, dhe jam shumë e kënaqur që ia ka trashëguar edhe Nikit. Them që kam marrë një nga çunat më king të Vlorës, se është me origjinë nga Vlora, jam me fat sepse është një lidhje që ka kompabilitet, mirëkuptim, respekt. Ne të dy jemi një skuadër e mirë”, u shpreh Alketa. /revistawho.com
