Amal dhe George Clooney kanë qenë të ftuarit specialë mbrëmjen e sotme në Buckingham Palace. Çifti i njohur u fotografuan krah njëri-tjetrin në mbrëmjen e organizuar nga Princ Charles, dedikuar bamirësisë për të rinjtë.
Amal dukej si një princeshë e veshur me një fustan të bardhë, të derdhur deri në fund të këmbëve. Me detajin e bukur në pjesën e gjoksit, veshja e saj nuk kaloi pa vëmendje. Komente të shumta kanë ardhur nga fansa të çiftit të famshëm. Sipas tyre Amal është e denjë për të qenë pjesë e familjes mbretërore.
Fotot e tjera nga darka e veçantë shfaqin aktorin dhe bashkëshorten e tij teksa takohen me Princin. Amal dhe George kanë qenë gjithmonë pjesë e eventeve të familjes mbretërore, madje edhe në dasmat e tyre. / revistawho.com
