Sot, Joeli feston 8-vjetorin e lindjes dhe prindërit e uruan në mënyrat e tyre në ‘Instagran’. Pa shkrime të gjata, por me pak fjalë dhe shumë dashuri, të gjithë morën vesh që Joeli është rritur. Amarda publikoi disa foto me të dhe shkroi: “Gëzimi ynë i parë! Ti që më dhe emrin mami. Joel 8”.
Nga ana tjetër, Ermal Mamaqi ka publikuar një foto familjare, ku për herë të parë po e shohim familjen bashkë me Sian, në një foto të plotë. Deri më tani kemi pasur herë pas here foto të saj dhe video me prindërit, por të dy janë përpjekur mos e postojnë shpesh, si një mënyrë për ta ruajtur atë nga ekspozimi në media sociale derisa u është dukur e arsyeshme.
