Dy vite më parë Sinan Hoxha dhe Andrra Destani u bekuan me një djalë. Ansi është gëzimi i çdo dite dhe i ka dhënë kuptim jetës së tyre. Në këtë ditë kaq speciale nuk mund të mungonin urimet nga ana e mami Andrrës dhe babi Sinanit.
Ata kanë postuar në ‘Instagram’ një fotografi, në të cilën e gjithë familja shihet e veshur me kostume tradicionale tiranase. “S’do mundesha kurrë të isha mjaftueshëm falenderuese për ty, që ditëve të mia i dhe arsye e jetës sime tjetër kuptim. Urime ditëlindjen, thesari i zemrës sime! Qielli ka yjet, ndërsa unë të kam ty… Gëzuar ditëlindjen shpirti i mamit!”, – ka shkruar Andrra bashkangjitur fotografisë së portretit familjar. Me siguri kjo do të jetë një nga dhuratat më të veçanta që jo vetëm Ansi, por edhe gjithë familja ka për ta mbajtur mend gjatë. /revistawho.com
