Pak ditë më parë Antonela i dha fund trekëndëshit që kishte krijuar me Mevlanin dhe Ledjanën, duke deklaruar se nuk do luftojë më për të. Madje prej tre ditësh ajo ka munguar në program, teksa Mevlani ka vazhduar njohjen me Ledjanën.
Dyshja shkëmbyen edhe një puthje në puntatën e transmetuar dje në “Përputhen”. Por më përpara Mevlani paska shkëmbyer edhe një puthje me Antonelën. Këtë e zbuloi vetë ajo në një lidhje live me emisionin, duke pyetur Mevlanin se cila prej puthjeve i shijoi më shumë.
Antonela nuk harroi të thumbonte edhe Ledjanën duke vënë në dukje faktin që ajo vetë i ka buzët natyrale.
“Doja t’i thosha cilat nga puthjet të shijoi më shumë ajo për Shën Valentin me buzët e mia natyrale apo ajo tjetra”-i tha Antonela Mevlanit duke shtuar se për të ai nuk është më asgjë.
