Arbana Osmani përgjatë viteve na ka dëshmuar se mund të jetë shumë bindëse, që prej situatave në “Big Brother”, deri tek ato në “Dua të të bëj të lumtur”. Por mesa duket dikë nuk mund ta bindë shumë kollaj. Bëhet fjalë për të birin, Diellin. Për çfarë? Që heqë pizhamet. Teksa i bën video dhe ecën pas tij, ai krejt i qetë i thotë se dëshiron të mbajë pizhamet veshur dhe nuk e ka aspak problem të ecë në rrugë. Kapur përdore me vëllain, Jonin, ai ecën pa e vrarë mendjen fare( dhe sa mirë bën).
“Unë mund të bind çdo njeri për çdo gjë, përveç këtij njeriu të vogël këtu”, ka shkruar Arbana krahas videos.
