Arbana Osmani: Çfarë e bën Jonin të lumtur

Autorja dhe moderatorja e programit “Dua të të bëj të lumtur”, që ngre siparin e edicionit të dytë sonte mbrëma në ekranin e “Top Channel” ka rrëfyer dje në një intervistë ekskluzive për “revistawho.com” shumëçka mbi risitë e këtij sezoni. Ajo ka ndarë gjithashtu me lexuesin çelësin e saj të lumturisë (LEXO KËTU) duke zbuluar veç të tjerash edhe një detaj… Çfarë e bën të lumtur djalin e saj të vogël, Jonin. “Jonin të lumtur besoj e bëj vetëm duke kaluar shumë kohë me të. E duke e çuar te dyqanet e lojërave sigurisht”, – ka rrëfyer Arbana.
Sonte në premierën e “Dua të të bëj të lumtur” do të tregohen katër histori, pjesë e të cilave do të jenë artistët e mëdhenj Robert Ndrenika dhe Rikard Ljarja, si dhe ish-kapiteni i Kombëtares, Lorik Cana. / revistawho.com