“Dua të të bëj të lumtur” është rikthyer një javë më parë me sezonin e tretë dhe menjëherë u prit mjaft mirë tek publiku. Teksa zbuloi se Dafina Zeqiri do të jetë e ftuara speciale e kësaj të shtune, Arbana ka zbuluar edhe një surprizë tjetër. Ajo ka publikuar një ‘Instastory’ teksa këndon këngën më të fundit të Nora Istrefit në bashkëpunim me Gjikon “Anna” dhe shprehet se është një nga këngët e saj të preferuara të momentin. Arbana shkon më tej dhe zbulon se kjo këngë do të këndohet për herë të parë në një studio televizive, në “Dua të të bëj të lumtur”, nga vetë Nora. Këngëtarja do të jetë e ftuar në një nga puntatat, me siguri për të surprizuar dikë nga fansat e saj të shumtë.
