Një ditë pas daljes nga shtëpia të “Big Brother VIP Albania”, Donaldi u shpreh me anë të një videoje në rrjete sociale se do shpenzonte vetë 100.000 euro për të ndërtuar katër shtëpi për njerëzit në nevojë. Ai ftoi t’i bashkohej edhe Ilirin, por ai refuzoi duke thënë se ka kush ngre tulla.
Kjo deklaratë u komentua në mënyrë indirekte natën e djeshme në “Post Big Brother”, ku Arbër Hajdari u duk sikur ironizoi nismën e aktorit.
“Është gjë pozitive që bëjnë bamirësi. Ishalla Zoti ja shton garën për të bërë veprat e mira. E mira është që bamirësia mos të bëhet me zë shumë të madh, sidomos për figurat publike. Gjithmonë kam dashur që t’ia kishin shkruar në kontratë e t’i qëndronin fjalëve të tyre. Ka dy lloj bamirësish, ato që bëhen publike e ato që nuk bëhen. Do të doja shumë që të gjithë faktorët që marrin përsipër për të bërë shtëpi e për të bërë projekte humanitare dhe të shkojnë fizikisht aty”,- është shprehur ai.
Deklarata është pak e çuditshme po të llogarisim që Arbër Hajdari ka vetë një fondacion të madh, për të cilin bën bamirësi me zë dhe figurë dhe pikërisht prej tij është bërë i njohur. Por siç ka thënë edhe vetë, u shtoftë dëshira për bamirësi, publike ose jo nuk ka rëndësi./revistawho.com
