Foto e Anxhelës duke bërë simbolin e shqiponjës me duar në një paraqitje para mediave në Eurovision ka bërë bujë në mediat serbe. Gazeta si “Blic” shkruanin se Anxhela ka provokuar me veprimin e saj duke e konsideruar skandal.
“Në prag të mbrëmjes së parë gjysmëfinale të Eurovision, e cila po mbahet në Hollandë në Roterdam, kishte një skandal kur përfaqësuesja e Shqipërisë, Anxhela Peristeri, doli para shtypit dhe tregoi simbolin e Shqipërisë së Madhe, “Shqiponja me dy koka”- shkruante Blic.
Ardit Gjebrea është një nga personazhet e famshëm që ka reaguar pas këtij sulmi ndaj Anxhelës duke i dalë në mbrojtje këngëtarës. “Përfundimisht, këta janë të sëmurë mendorë”, ka shkruar Arditi bashkangjitur lajmit nga media serbe.
