Arjan Konomi i rikthehet publikut, tani me një libër

Gazetari, publicisti e analisti i njohur Arjan Konomi, është shkëputur nga ekrani prej një kohe relativisht të gjatë. Ai ka zgjedhur të tërhiqet për një periudhë të papërcaktuar nga vëmendja mediatike. Publiku i gjerë u njoh më tepër me Konomin, kur ai vendosi të analizojë një realitet ndryshe, atë brenda një shtëpie televizive. Për disa vite ai ka qene opinionist në “Big Brother”, ku publiku e pelqente per analizat e tij reale dhe te mençura, e cilësohet si një nga njerëzit që e ka bërë më mirë këtë punë. Por për Arjanin edhe roli në “Big Brother” e mbylli ciklin e tij. Gazetari është shkëputur edhe nga jeta e Tiranës për të jetuar pjesën më të madhe të kohës në fshatin e tij, në jug të vendit. Po ku ndodhet sot dhe çfarë po bën me jetën e tij z. Konomi? Ne kemi pyetur miq të afërt dhe ata na treguan se pas muajsh shumë të gjatë në udhëtim, në Japoni deri në xhunglën Amazonës e në Brazil, ai është kthyer me një frymëzim të ri. Ka vendosur që kësaj here t’i paraqitet publikut në një tjetër formë pasi ka vendosur të realizojë një nga dëshirat e hershme të tij për të shkruar një libër. Konomi ka bërë gati librin që shume shpejt pritet të dalë për publikun duke pritur të gjejë prej tij të njëjtin sukses. Se çfarë përmbajnë ato rreshta, nuk e dimë ende. Presim…/ revistawho.com