Pak ditë më parë në media u dha lajmi se Sali Berisha u shpall ‘non-grata’ nga Shtetet e Bashkuara të Amerikës dhe prej atij momenti, familjes së tij edhe vetë ish-kryeministrit i ndalohet që të shkelë në territorin e SHBA-së. Duke qenë pjesë e familjes Berisha prej vitesh, një pyetjeje për këtë çështje nuk i shpëtoi as Armina, e cila u pyet nga një fans.
“Tashmë kam mësuar se për arsye politike çdo gjë mund të ndodhë, edhe pse vetë nuk jam pjesë e saj. Por ajo që më intereson është vetëm shëndeti im dhe i njerëzve të dashur. Gjithçka tjetër rregullohet dhe kalon”, ka shkruar ajo me shumë delikatesë. Dukshëm Armina është në gjendjen ‘zen’. Një gjendje e qetë e lidhur me persona që reagojnë pa mllefe dhe inate (shpjegim sipas filozofisë orientale të meditimit).
Bloggerja e njohur është prej vitesh në një lidhje romantike me Shkëlzen Berishën, të birin e Sali Berishës. Praktikisht edhe ajo do të preket nga vendimi për të mos shkelur në SHBA./revistawho.com
