Armina Mevlani është një ndër blogeret më të njohura shqiptare, por edhe një personazh shumë i dashur për publikun. Ajo shpesh është kthyer në kryefjalën e mediave për jetën luksoze që bënë, por siç e ka treguar në të vërtet shpenzimet e saj ekzagjerohen shumë nëpër portale. Lidhja e saj disa vjeçare me Shkëlzen Berishën, gjithashtu ka qenë jo pak herë në vëmendje të mediave dhe publikut. Në një intervistë për ‘Chic’ në News 24, ajo ka zbuluar disa nga planet e së ardhmes në lidhje me marrëdhënien e saj të dashurisë.
Ajo ka shuar kureshtjen e publikut duke treguar si fillim se dhurata që i ka bërë Shkëlzenit për ditëlindje ka qenë një çakmak shumë i veçantë.
E pyetur mbi ndikim që ka partneri në jetën e saj profesionale, mendimin për hapjen e blogut dhe planet e së ardhmes ajo ka zbuluar:
“E kam diskutuar me të, kishim një vit e gjysmë lidhje kur unë mora vendimin të hap blogun tim në 2014…Kur fillova bashkëpunimin me firmat më targetonin shiko Armina çfarë po vesh? Ai në momente të caktuara nuk më ka thënë ndaloje, por më ka thënë të mendoja mirë për mënyrën se si do postoja, si do ta përcjellja tek njerëzit. Ne shkuam në Meksikë me pushime dhe hotelin e kisha të përfshirë nga një agjenci udhëtimesh, kjo gjë u nxor si pushimet luksoze të Arminës. Mua më kërkojnë edhe hotele në Maldive por e di që do më kthehet kundër, ndaj nuk shkoj, e di që do e përdorin”, ka treguar Armina.
Ndërsa për një datë në lidhje me kurorëzimin e dashurisë së tyre ajo ka treguar se ka filluar bisedimin me firma të njohura për fustanin. “Nuk është se do presim shumë, e kemi bërë një plan thjesht po presim momentin që të ndjehemi të dy të qetë për ta bërë këtë, nuk duhet të jemi të nxituar. Mund të jetë pas 1 apo 3 vitesh. Dua ta bëj mirë ndaj edhe kam nisur komunikimet për këtë gjë që tani”, ka zbuluar më tej blogerja e njohur./revistawho.com
