Arnita Beqiraj dhe Arbër Çepani prej vitesh po jetojnë një histori të bukur dashurie, të cilën nuk e kanë mbajtur larg syve të publikut pasi fotot në rrjete sociale nuk kanë munguar. Por ndryshe nga Arbri, Anita ka qenë më e rezervuar. E ftuar në “Ditë pas dite” në RTSH ajo ka folur si rrallëherë për historinë e tyre të dashurisë duke treguar se janë njohur në televizion.
“Nuk kam folur sepse unë jam natyrë e rezervuar. Jemi njohur në ambiente të përbashkëta. Arbri ka qenë shok me motrën time, por nuk ka qenë ajo arsyeja pse jemi njohur. Jemi njohur në televizion dhe kështu ka vazhduar”, tha Arnita.
E pyetur për konkurrimin e Arbrit në “Dancing with the stars”, Arnita u shpreh: Unë e dashuroj kërcimin. Arbrit gjithashtu i pëlqen shumë dhe po e shijon këtë eksperiencë. Ai është impenjuar dhe për sa kohë ai është i lumtur, nuk kam asgjë kundër.
