Ashton Kutcher paska hequr të zitë e ullirit në përpjekje për t’u bërë Steve Jobs në rolin që ju besua. Kështu, ai ndoqi një dietë drastike me bazë frutat, ujin dhe lëngjet e frutave.
Por ky veprim u ndoq nga ca pasoja goxha të rënda. Mila Kuins tregoi së fundmi në një intervistë se bashkëshorti i saj, përfundoi në urgjencë disa herë për shkak të kësaj diete. “Ai e teproi. Arriti një pikë kur po hante vetëm rrush dhe nuk dëgjonte këshillat e mia. Përfunduam në spital dy herë prej problemeve të tij me pankreasin”, pranoi Mila.
Për ata që nuk e dinë, dieta e pabalancuar shkakton dëme të mëdha në pankreas, duke nisur nga inflamacioni i tij. George Clooney ka pasur të njëjtin problem me pankreasin kur i duhej të humbte kile për një nga rolet e tij./revistawho.com
