Aktorja Birce Akalay, së fundmi është bërë shumë e dashur për publikun me rolin protagonist në serialin më të ri që po transmetohet ‘Dashuri bardh e zi’. Në Turqi, por jo vetëm vëmendja është kthyer tërësisht nga ajo me rolet që ka nëpër filma e seriale.
Birce nuk është vetëm aktore, por edhe një aktiviste shumë e zonja. E fundit gjë që ka realizuar është një takim me fëmijët me leucemi. Shoqata përkatëse kishte 20 vjetorin pak ditë më parë dhe aktorja ju është gjendur pranë fëmijëve, të cilët kanë vizatuar dhe i kanë nxjerrë në shitje punimet e tyre. Fotot janë publikuar në ‘Instagram’ me mbishkrimin: “Ndonjëherë një vizatim, apo një buzëqeshje, një pyetje e pafajshme, apo një prekje, mund t’u ndryshojë gjithë botën tuaj.”/revistawho.com
