Po të qe për familje të bukur futbollistësh, me prindër simpatikë, djem të bukur dhe partnere si kukulla, s’kemi pse shkojmë deri në Angli. Ja ku familja Strakosha ka postuar foton e Krishtlindjeve dhe ne do t’i ndërronim me shumë qejf me Beckhamët e Anglisë. Dy djemtë e Fotos, Thomas dhe Dimitris kanë zyrtarizuar lidhjet me partneret e tyre dhe tani familja qenka shtuar me dy vajza.
Të dyja modele, me profile në Instagram tipike prej modelesh, me fotosesione, udhëtime, pushime, veshje të bukura dhe shumë muskuj. Dhe po t’i shtosh këtyre edhe faktin që Strakosha, babai, vazhdon të jetë një nga burrat më simpatikë shqiptarë, ja ku janë të gjitha arsyet për të pasur edhe në një familje futbollistësh e ish-futbollistësh që mund të jetë gjithaq mediatike dhe e ndjekur.
