Prej ditësh tashmë është bërë publik lajmi që aktori i njohur italian Remo Girone do të jetë pjesë e filmit shqiptar “Portreti i pambaruar i Clara Bellinit”. Xhirimet tashmë kanë nisur dhe me çfarë dihet deri tani kasti do të jetë shqiptar dhe italian, ndërsa ngjarjet i përkasin periudhës së diktaturës. I ftuar në ‘Ftesë në 5’, Girone ka folur për eksperiencën që e solli në Shqipëri, por jo vetëm. Pyetjes për vendin tonë çfarë i ka pëlqyer dhe ka vënë re ai i është përgjigjur pa nguruar.
“Kam shkuar në disa restorante të mira kam parë pallatet e reja që po ndërtohen, stadiumin. Gjatë xhirimeve të këtij filmi, kemi dalë gati çdo mbrëmje dhe më është dashur të kapërcej drekën ndonjëherë. Restorantet dhe gatimi në Shqipëri janë shumë të mira. Këtu, peshku është i shkëlqyer. Natyrisht edhe në Itali ka restorante të mira, por kushtojnë shumë, shumë më tepër. Këtu në Shqipëri gjen jo pak restorante ku gatuhet me shumë cilësi. Pastaj ka shumë peshk, vërtet shumë. Në fund të fundit ngjan shumë me kuzhinën italiane. Pranë hotelit tonë është një restorant shumë i mirë ku shkojmë vazhdimisht”,-është shprehur ai.
https://www.instagram.com/p/Bpj5S2SCPvL/?taken-by=bietasulo
Ndër të tjera aktori i suksesshëm ka folur për eksperiencën në filmin ‘Oktapodi’ që e bëri të njohur në Shqipëri dhe jashtë saj. “Në shumë shtetet edhe jashtë Italisë më njohin si Tano Cariddi dhe habitem si ka mundësi që njerëzit e duan aq shumë atë personazh, kur në përgjithësi personazhet negativ ‘urrehen’. E kam ndjerë mikpritjen e njerëzve”,-zbuloi Girone.
https://www.instagram.com/p/BpkMq60goEC/?taken-by=bietasulo
Kujtojmë se shumë vite më parë aktori i njohur u kthye në të preferuarin e publikut shqiptar me rolin e mafiozit në filmin ‘Oktapodi’./revistawho.com
