Aurela Gaçe një javë më parë ka festuar ditëlindjen e bashkëshortit të saj, Skerdit, por vetëm mbrëmjen e djeshme ajo ka zbuluar surprizën që i ka bërë atij. Këngëtarja ka treguar se në ‘club-in’ ku ajo këndon çdo fundjavë i ka bërë partnerit një dedikim para gjithë fansave që ishin të pranishëm për të ndjekur performancën e saj. Aurela ka ngjitur në skenë Skerdin për t’i uruar ditëlindjen, duke i kënduar këngën e tyre të dashurisë “Shpirt i shpirtit tim”. Pasi Aurela i ka kënduar këngën, Skerdi i ka dhuruar një puthje dhe përqafim të ngrohtë. Këngëtarja e ka publikuar videon e këtij momenti në “Instagram” dhe i ka bërë një dedikim tjetër Skerdit. “Kjo ndodhi të premten. Ishte ditëlindja jote. Unë u mata nuk të urova në rrjet, ashtu siç mund të ndodhë zakonisht. E dija që do ta gjeja veten nëpër portale edhe e mbajta për vete urimin. Pastaj erdhi nata unë isha në skenë e nuk munda pa ta thënë në sy të të gjithë atyre njerëzve që vijnë aty e më japin kaq shumë dashuri. Ashtu më erdhi e të thërrita në skenë. Mendova, e pse të mos e shfaq pakëz atë çfarë ndjej për ty nëpërmjet këngës sonë ‘Shpirti i shpirtit tim’. Fundja fundit ata njerëz që më duan le ta njohin edhe këtë pjesë të jetës sime. Unë e di që Zoti na i bashkoi rrugët. Nuk është rastësi asgjë. E falenderoj ATË përditë që të solli në jetën time. Kaq për sot se edhe nuk kemi shumë qejf t’i shfaqim ndjenjat kaq hapur”, ka shkruar Aurela përkrah postimit.
https://www.instagram.com/p/B6Ot3pXgktZ/
Këngëtarja nuk ka lënë rast pa treguar se Skerdi është një nga bekimet më të mëdha për të, sepse sipas saj ai ka qenë personi që i ka ndryshuar plotësisht jetën. /revistawho.com
