Artistja e njohur e publikut shqiptar, Aurela Gaçe ka fituar edicionin e 17-të festivalit ‘Netët e Klipit Shqiptar’, i cili u mbajt në Ulqin mbrëmjen e kaluar.
Gaçe arriti të rrëmbente trofeun e madh me projektin e saj ‘Veten Dua Gjallë’, i cili u publikua në muajin shkurt të këtij viti.
Vetë Aurela tregoi emocionet e një momenti të tillë me anë të një postimi në rrjetet sociale, duke falenderuar edhe të gjithë bashkëpuntorët e saj.
“Mbrëmë u zhvillua edicioni i 17-të i ‘Netëve të Klipit Shqiptar’. Klipi i këngës ‘Veten dua gjallë’ mori çmimin e madh në të gjithë komponentët. Sigurisht këtu është meritë e një ekipi të madh që punon për të sjellë copëza jete në formën e mini-filmit”, ka shkruar Aurela krah postimit ku nuk ka hezituar të përmendë të gjithë bashkëpuntorët të cilët kanë kryer punën e tyre në këtë projekt.
Në këtë postim nuk kanë munguar urimet e shumta nga ndjekësit e Aurelës, të cilët kanë pohuar se këngëtarja e meritonte maksimalisht këtë çmim./revistawho.com
https://www.instagram.com/p/CBsazfygKu4/?igshid=1r753bdtdkd8
