Së fundmi është përfolur se Gigi Hadid dhe Leonardo DiCaprio janë në një lidhje pasi dyshja janë parë shpesh bashkë. Babai i modeles, Mohamed Hadid ka komentuar në lidhje me romancën e supozuar të tyre në një intervistë të dhënë së fundmi për “Daily Mail”. Mohamed theksoi se ai nuk ndërhyn tek jeta personale e të bijës, por mendon që ata janë thjesht miq. Ai tregoi edhe momentin kur e ka takuar aktorin para 5 viteve dhe i ka pëlqyer.
“Ata janë shokë, njihen prej disa kohësh. Unë nuk mendoj se ata po dalin në mënyrë romantike. Besoj se janë thjesht miq të mirë. Por vërtet nuk e di. Unë nuk i komentoj marrëdhëniet personale të vajzës sime. E kam takuar zotin DiCaprio në St.Tropez katër ose pesë vjet më parë dhe ai është një burrë shumë i mirë. Më pëlqeu”, tha babai i Gigit.
