Isida Mollaymeri është padyshim një nga balerinat më të mira shqiptare. Balerina e njohur, pjesë e trupës së baletit në “Dancing With The Stars” së fundmi ka vendosur të provojë edhe botën e biznesit. Isida solli për herë të parë në Shqipëri dhe në Kosovë, distribucionin e linjës kozmetike “VAGHEGGI”, e cila njihet si një ndër tre më të mirat në Itali.
Por duket se balerina nuk di të ndalet. Natyra e saj kurioze e ka shtyrë të provojë veten edhe në një fushë tjetër në botën e televizionit. Së fundmi balerina e parë e “Teatrit të Operas dhe Baletit” ka prekur edhe prezantimin. Së bashku me aktorin dhe ish-partnerin e “Dancing With The Stars”, Viktor Zhustin ajo prezantoi një nga eventet më të rëndësishme, hapjen e “Hilton Garden Inn”. E veshur me të zeza dhe me buzëqeshjen që e shoqëron kudo, Isida ja doli të shkëlqejë edhe në daljen e parë si prezantuese./revistawho.com
