Bashkëshortja e aktorit të famshëm zbulon momentet pas skandalit të tradhëtisë: E humba veten fare

Dy ditë më parë në ‘Netflix’ u publikua dokumentari i aktorit të njohur, Kevin Hart. Nê një nga episodet, bashkëshortja e tij, Eniko, ka folur për skandalin e tradhtisë së dy viteve më parë, kur ajo ishte shtatzënë. “E mora vesh nga një video që më nisën në Instagram ku Kevin ishte me një femër tjetër. Isha shtatzënë në atë kohë, në muajin e 8 apo 9. Po haja mëngjes dhe hapa telefonin, e humba fare. E mora në telefon duke qarë. Isha me nerva, i thoja: Si mund ta bëje këtë?”, u shpreh ajo. Fakti që ishte shtatzënë bëri që të mbante veten, pasi ajo ishte e shqetësuar për shëndetin e bebes. “Ishte një luftë çdo ditë, vetëm dyshoja por nuk doja të hiqja dorë nga familje, doja që djali im ta njihte babain e tij. Por tani e kemi kaluar, ai është bërë njeri më i mirë për shkak të asaj ngjarje”, shtoi Eniko. Kevin është shprehur së është shkatërruar kur ka parë në çfarë gjendje e kishte çuar partneren tij, por tashmë çdo gjë ka kaluar dhe marrëdhënia e tyre duket më mirë se asnjëherë.