Aktori Blerim Destani dhe reperi Noizy prej vitesh kanë një shoqëri të fortë mes tyre. Dyshja vazhdimisht shihen bashkë edhe madje vendosin baste me kushte që kapin shifra marramendëse. Kështu sfida e re sapo ka filluar nga palestra dhe finalizimin do e ketë në 31 maj, ai i cili do të stërvitet më shumë fiton çmimin e vendosur. Këtë e ka treguar Noizy nëpërmjet një fotografie të ndarë në dy pjesë ku duken aktori në gjendjen aktuale dhe gjithashtu Sylvester Stallone në rolin e boksierit ‘Rocky Balboa’ ku shfaqet triumfues pas një ndeshje boksi, foto kjo ku Blerimi ka dashur ta ilustrojë veten si fitues të bastit. Ndërkohë në komentet e bëra Blerim Destani ka zbuluar çmimin e fituesit. “31 maj, bëje gati Rolex-in”, shkruan Blerim Destani në postimin e tij ku i ka bërë ‘tag’ mikut të tij Noizy. Nga ana tjetër reperi me një koment i është përgjigjur: “Do ta shohim këtë punë”. /revistawho.com
