Beatrix Ramosaj i ka prekur të gjithë ndjekësit e saj me postimin e pak orëve më parë në ‘Instagram’. Dita e sotme përkon me ditëlindjen e babait të saj, i cili është ndarë nga jeta prej kohësh. Krahas një fotoje të vjetër, ku këngëtarja e njohur shfaqet me të atin, në moshë fare të vogël, ajo shkruan një urim.
“Gëzuar ditëlindjen babush. Uroj të jesh duke festuar sa më bukur me engjëjt atje lart. Na mungon çdo ditë. Çfarë shpirti i bukur ishe. Parajsa është e bekuar që të ka atje lart bab”,-shkruan Beatrix.
Kjo nuk është hera e parë që këngëtarja e njohur shkruan për babain. Në çdo përvjetor apo rast special për të dhe familjen, këngëtarja kujton të atin që i mungon çdo ditë. / revistawho.com
