Juliana Pasha i ka qëndruar gjithmonë besnike ‘look-ut’ të saj në tërësi dhe ka preferuar të eksperimentojë vetëm me modelet e flokëve. Pak kohë më parë ajo vendosi t’i priste flokët shkurt duke ardhur ndryshe nga çdo herë tjetër. Por së fundmi këngëtarja i ka surprizuar të gjithë fansat e saj, duke qenë se këtë herë ka ndryshuar tërësisht pamje. Këngëtarja e njohur ka publikuar në ‘Instagram’ disa foto, në të cilat shihet se i ka lyer flokët në ngjyrë rozë. Nga postimi i saj kuptohet se ajo e ka marrë këtë vendim për të qenë në harmoni me gjithë ngjyrat e bukura të verës.
Në fakt prej disa muajsh ngjyra rozë është trend për flokët dhe prandaj Juliana duhet ta ketë mirëmenduar këtë gjë. Ajo nuk është e para që bën një eksperiment të tillë, sepse më herët edhe vajza të tjera të njohura si Vesa Luma apo Roza Lati bën të njëjtën gjë si Juliana. /revistawho.com
