Me ardhjen e stinëve të ngrohta, moda na fton të eksperimentojmë me ngjyra të freskëta dhe të qeta – dhe këtë vit, një nuancë është në qendër të vëmendjes: e gjelbra pistachio. Kjo ngjyrë delikate, me një prekje pastel dhe një elegancë të natyrshme, ka pushtuar pasarelat, rrjetet sociale dhe gardërobën e çdo fashionisteje që kërkon diçka të veçantë.
Nga fustanet e lehtë e deri te çantat minimaliste, pistachio po dominon veshjet e stinës. Nuk është thjesht një trend, por një deklaratë stili që përcjell freski, qetësi dhe një lidhje të butë me natyrën.
Ekspertët e modës theksojnë se kjo ngjyrë nuk është vetëm vizualisht tërheqëse, por edhe jashtëzakonisht e lehtë për t’u kombinuar. Ajo përshtatet bukur me të bardhën, bezhën, pastelët e butë apo edhe me tone metalike, duke krijuar kombinime që janë njëkohësisht elegante dhe të përditshme.
Në një sezon që thërret për rinovim, pistachio vjen si zgjedhja perfekte për ata që duan të duken modern, por edhe të ndihen të qetë. Nëse dëshiron të ndjekësh ritmin e modës këtë pranverë dhe verë, kjo është nuanca që duhet të mos mungojë në veshjet e tua.
