Karim Benzema-s nuk i pëlqen të tregojë jetën e tij private megjithatë shpeshherë është bërë personazh në media për këtë pjesë. Deri më tani ai ishte i njohur për vetëm dy lidhje me dy femra që i kanë shënuar jetën, pasi me to ka dy fëmijë, lidhja me Chloe, nënën e vajzës së tij dhe lidhja me Cora Gauthier, nëna e djalit. Megjithatë prej kohësh Benzema ka nisur një lidhje serioze me modelen amerikano-veriore, Jordan Ozuna, 32 vjeç. Futbollisti është shoqëruar nga ajo në ceremoninë e ndarjes së çmimit për trofeun e çmuar “Top i artë”. Benzema kishte ftuar në event edhe ish-in, Cora Gauthier me të cilën ruajnë një marrëdhënie të mire. Gauthier ishte së bashku me Ibrahimin e vogël. Si Gauthier ashtu edhe Jordan, të cilat ngjajnë shumë kanë treguar krenarinë e tyre për suksesin e lojtarit përmes rrjeteve sociale.
