Ish-lideri i Partisë Demokratike si dhe ish-Kryeministri i vendit Sali Berisha feston gjatë ditë së sotme 71-vjetorin e lindjes. Nuk kanë munguar në profilin e tij në rrjetin social Facebook urime nga ndjekësit.
Berisha ka falenderuar përmes një postimi familjen e tij, miqtë dhe bashkëpunëtorët që e kanë shoqëruar gjatë viteve të karrierës së tij politike kur ai ka qenë President i vendit, Kryeministër dhe kryetar i Partisë Demokratike.
“Te dashur miq, sapo mbusha 71 vjet, ose vitin e pare te vjeshtes time, stines qe une kam dashur dhe dua me shume!
Kjo dite per mua eshte para se gjithash rasti me i bukur per te shprehur nga thellesite e zemres mirenjohjen me te madhe, admirimin me te pakufishem per Lilin, femijet, niperit, mbesat, te gjithe familjaret e mi, miqte, te afermit, bashkepunetoret e te gjithe ketyre viteve, dashuria, miresia, sakrificat, mbeshtetja e te cileve, jane sublimuar ne energjine, motivimin, frymezimin e pashtershem te çdo dite, jave, muaji e viti te jetes time! Te gjitheve me shpirt FALEMINDERIT”, shkruan Berisha në Facebook.
