I ftuari i radhës në ‘B.E Caffee’ ditën e djeshme ka qenë Nard Ndoka, politikani i njohur shqiptar. Ndër të tjera, biseda mes tij dhe aktorëve të humorit u zhvillua edhe për jetën private. Por e dinit që deputeti paska ‘dorë’ në historinë e dashurisë së Xhensilës dhe Besit?
Njohjen e tyre e dinë të gjithë si ka nisur, por detaji që deri dje nuk ishte zbuluar ishte fakti që arsyeja pse janë takuar ata ka qenë Nardi. “Sebepi që sot unë jam i martuar dhe kam familjen time është Nard Ndoka. Ai më nxori nga shtëpia atë ditë kur takova Xhensilën për herë të parë. Më mori në telefon dhe më tha: ‘Kam një rrugë për në Vlorë, do vish?’. Unë i thash ‘po’ dhe kur zbrita te Zogu i Zi, takova Xhensilën”,-ka treguar Besi.
Sigurisht biseda është vulosur me një nga batutat tipike të tij. “Të kam një nuse borxh. Kur të martohesh për herë të dytë, nusen do ta gjej unë”,-shprehet duke qeshur aktori i njohur. Kujtojmë se Besi dhe Xhensila kanë një histori të gjatë dashurie, që një vit më parë u vulos me celebrimin dhe disa muaj më parë me ardhjen në jetë të Ajkës./revistawho.com
