Meghan Markle u kap mat në një moment disi të sikletshëm teksa ishte në shoqërinë e princ Harry-t, princ William-it dhe princeshës Kate Middleton. Ata ndodheshin jashtë kështjellës “Windsor” ku qindra njerëz ishin mbledhur për të mbajtur zi për vdekjen e mbretëreshës Elizabeth II. Në një pamje të kapur nga një i pranishëm, Meghan u pa duke mbajtur një buqetë me lule. Një ndihmës i pallatit mbretëror iu afrua për t’ia hequr lulet. Meghan e refuzoi duke i thënë se do t’i vendoste vetë para se të kthehej nga turma me buqetën në krahë. Pak çaste më vonë, një ndihmëse tjetër u afrua dhe mori lulet e Harry-t dhe të Meghan-it, e cila refuzoi sërish, por ia dha pasi ndihmësja mbretërore i shpjegoi situatën. Nëpër komente, disa njerëz vënë në dukje se veprimi i Meghan-it tregon dëshirën e saj për të qenë në qendër të vëmendjes. Sipas tyre, dukesha vendosi t’i mbante lulet (që ishin për mbretëreshën e ndjerë) sepse donte të fotografohej me to. Ndërsa disa të tjerë thonë se ndoshta thjesht nuk e ka ditur se mund të ishin rrezik për sigurinë.
Kjo e fundit lidhet me mjete që mund të ketë mbi to si ato prerëse apo helm.
