Me siguri keni dëgjuar për rikthimin e xhinseve me prerje kauboj që janë të ngushta deri tek gjuri dhe vijnë duke u zgjeruar në pjesë e poshtme. Revista ‘GQ’ ka qenë e para që shkroi për rikthimin e tyre gjatë 2019-ës. Ky trend i përket viteve ’90, por pritet që të pushtojë rrugët edhe gjatë këtij viti.
Në Shqipëri, e para që i ka promovuar është Bieta Sulo. Ajo drejton prej kohësh programin e pasdites në ‘Top Channel’ dhe daljet e saj publike çdo ditë janë gjithmonë të vëzhguara me kujdes nga publiku. Siç mund ta keni vënë re, moderatorja e njohur ka një stil shumë të veçantë në zgjedhjen e veshjeve. Ajo është herë shumë e thjeshtë dhe në të tjera raste disi më serioze.
Bieta ka veshur shpesh xhinse të cilat i ka kombinuar më së shumti me taka dhe këmisha. Një pjesë e mirë e tyre janë pikërisht me prerje ‘kauboj’, dhe duken shumë bukur. Mjafton të zgjidhni takat e duhura, një këmishë të bukur, herë pas here provoni të luani me ngjyrat dhe dekoret dhe ja ku u krijua një veshje shumë e bukur dhe e thjeshtë.
Nëse këmishat nuk janë të preferuarat tuaja, provoni golfet, me po të njëjtat xhinse. Për ju që nuk e pëlqeni shumë këtë stil, mund të vishni xhinse ‘boyfriend’ që arrijnë deri tek kyçi i këmbës.
Nëse doni të dukeni bukur dhe të jeni koherent me modën e fundit, duhet patjetër të ktheni në garderobë xhinset ‘kauboj’, ndërsa për kombinimet ju ‘këshillon’ Bieta. / revistawho.com
