Pasditeve e sheh përmes ekranit, por mëngjeset vogëlushi, Kroi Art, e ka të sigurt se do i kalojë me mami Bietën. Pavarësisht se moderatorja e njohur është e angazhuar me punë të shumta mjaft të lodhshme, duket se në mëngjes është e mbushur me energji për t’i dedikuar të gjithë kohën djalit të saj. Ditën e sotme Bieta ka ndarë me ndjekësit në rrjete sociale disa foto e video, në të cilat shihet se përgatit mëngjesin bashkë me Kroin. Ajo ka treguar hap pas hapi se si bën kulaç në tigan, ose siç njihen ndryshe llokuma të Kosovës. Gjatë kohës që Bieta përgatit brumin, duket se Kroi e ndihmon në hapjen e kuleçve duke ja bërë punën më të lehtë mamit.
https://www.instagram.com/p/B3MGiytHaaP/
Ne fund Bieta ka treguar të gjithë mëngjesin, duke qenë se ja kishte premtuar dietologes Blerin Bombaj në emisionin e saj ,”Ftesë në 5″. Në fotot dhe videot e publikuara përkrah Kroit, Sulo ka shkruar: “Llokuma t’Kosovës (se pijnë më pak vaj) me reçel kumbulle të bërë në shtëpi dhe djath të bardhë dhie me lëng portokalli, ky ishte mëngjesi ynë me 4 duar. P.s quhet Blerina Bombaj? Meqë bëra premtim në emision që do ta tregoja, pak me vonesë por këto ditë kemi qenë me çaj dhe bukë e djath më shumë për shkak të virozave”.
https://www.instagram.com/p/B3MHhODHZJF/
Kohët e fundit duket se është përhapur si një lloj sfide mes nënave të njohura publikimi i fotove nga përgatitja e mëngjesit apo bukës që fëmijët marrin me vete në shkollë, duke u kthyer në shembull të mirë ndërgjegjësimi për të gjitha mamatë e tjera. /revistawho.com
