“Big Bastards” është programi humoristik në të cilin komentohen me nota ironie banorët e këtij edicioni të “Big Brother”. Ata që i ngacmuan të shtunën janë dy djem që të gjithë i njohim shumë mirë prej vitesh… Njëri prej tyre është Florjan Binaj, aktori i dashur i spektaklit “Portokalli” i cili nën petkun e disa personazheve ka bërë për vete shqiptarët ndër vite. Tjetri është edhe më pranë “Big Brother” pasi dikur ka qenë vetë konkurrent. Ai është Adi Pojana, djali karizmatik i edicionit të dytë i cili prej vitesh është pjesë e stafit të “Top Channel”. Adi punon si gazetar në “Fiks Fare” ndërsa bashkë me Florin drejtojnë edhe programin “Rikoshet” në “Top Albania Radio”. Djemtë kanë dhuruar shumë humor e treguan se janë një kombinim shumë i mirë./ revistawho.com
