Xheni ka treguar se edhe pse është 21 vjeçe ajo nuk e ka provuar kurrë ndjenjën e dashurisë.
E nxitur nga Ervini që tregoi se kishte dashuruar dikur, Xheni rrëfen se nuk ka dashuruar kurrë.
“Kur isha 20 vjeçe kam qenë në një lidhje adoleshente, kot, por jo e dashuruar. Jam shumë e vogël prandaj”, shprehet Xheni.
“Je si beb në fakt ke shumë të drejtë”, thotë Ervini, ndërsa Armela shton se nuk ka pasur shumë eksperienca.
Në një diskutim mes vajzash, Fotinia i thotë Xhenit se ajo ka një armë të fortë dhe sipas saj, pamja si një bebe është një element më shumë në këtë lojë për të.
“Je si bebe dhe kjo është arma jote këtu”, i thotë Fotinia Xhenit, e cila tregon më pas çfarë i kishte thënë babai para se të futej në Big Brother.
“Babi më tha të bëj kujdes se do njohë çuna. Por unë u përgjigja duke i thënë se kur s’jam fejuar deri tani, ndoshta më pëlqen ndonjë djalë nuk i dihet. Të gjitha mundësitë janë të hapura. Megjithëse, unë mendoj se këto lidhjet që krijohen këtu nuk shkojnë shumë larg”, shprehet Xheni.
Më tej, Xheni thotë se është e vogël akoma, por gjithsesi e le të hapur mundësinë e krijimit të një lidhje brenda në këtë Big Brother. E gjitha mbetet për t’u parë se çfarë do të ndodhë me të./tch
