Billie Eilish ka treguar se dikur ndihej ‘shumë e pashpresë’ sepse është vajzë dhe qante pa pushim pasi binte në një ‘gropë dëshpërimi’. Këngëtarja 20-vjeçare ka rrëfyer se besonte nuk do të performonte kurrë në mënyrën që donte, për shkak të përfaqësimit të femrave në industrinë e muzikës. Ajo e bëri rrëfimin pasi u shfaq në listën e BBC me 100 gratë më frymëzueze dhe me ndikim nga e gjithë bota.
“Kishte një periudhë specifike kohore kur isha në këtë gropë të mungesës së shpresës për veten time, pasi vajzat si unë nuk merreshin seriozisht. Më kujtohet se kam qarë në shtratin tim sepse po mendoja për llojin e shfaqjes që do të doja të bëja. Ndihesha kaq e pashpresë sepse jam vajzë, kështu që nuk do të mund të kem kurrë një shfaqje të tillë, nuk do të jem kurrë në gjendje të jem e lire, të performoj në këtë mënyrë. Mendova se nuk do të ndodhte kurrë. Ndihem më e fuqishme kur veproj me anën më mashkullore në jetën time. Gjithashtu mund të gjej fuqi në feminilitet. Është një lloj ekuilibri i të dyjave. Varet nga mënyra se si eci dhe qëndroj, rrobat e mia, fytyra ime, stolitë e mia, gishtat e mi dhe gjithçka që jam çdo ditë. Më pëlqen të ndihem më shumë mashkullore sesa femërore, thjesht më bën të ndihem më mirë. Kam luftuar me të për një kohë të gjatë, sepse doja të ndihesha femërore dhe më pëlqente, por thjesht nuk e bëra”, tha Billie.
