Së fundmi, Bora Zemanin e kemi parë përkrah producentit të mirënjohur Ardit Gjebrea. Ata së bashku jo vetëm që janë shfaqur çdo të dielë në ekranin e televizionit “Klan”, por dhe kanë shkëlqyer gjatë prezantimit të festivalit “Kënga magjike”. Duket se për Borën, kjo është një periudhë tepër intensive, jo vetëm për karrierën e saj po dhe për jetën private.
Prezantuesja vetëm pak minuta më parë ka bërë në rrjetin social “Instagram”, një urim prekës ndaj të birit, i cili sot mbush plot 4 vite. Fjalët janë vërtetë emocionuese si të çdo nëne. “Fiks para katër vitesh erdhe në botën time! 12/12/2014 Faleminderit Zot për këtë ditë! Djali im, shoku im i ngushtë, thesari im, dhurata më e bukur! Nuk ta them dot me fjalë sa të dua. Uroj vetëm shëndet e lumturi për ty! Happy birthday my all!”.
Arbori i vogël po rritet, njëkohësisht me të dhe mami Bora, e cila më herët është shprehur e lumtur për këtë fakt./revistawho.com
