Filmi i ri i Disney-t “Snow White”, një adaptim i përrallës klasike “Borëbardha dhe Shtatë Xhuxhët”, ka kryesuar listën e filmave më të shikuar në arkën filmike të Amerikës së Veriut, edhe pse ka marrë komente negative në internet.
Sipas të dhënave të Box Office Mojo, gjatë fundjavës së parë të shfaqjes, filmi ka gjeneruar rreth 87.3 milionë dollarë në nivel global, me pothuajse gjysmën e kësaj shume që vjen nga Amerika e Veriut. Megjithatë, kjo shifër është nën pritshmëritë, duke marrë parasysh se buxheti i filmit ka kaluar 270 milionë dollarë.
Adaptimi i ri i animacionit klasik të vitit 1937 ka përballuar shumë polemika, veçanërisht përpara premierës së tij.
Filmi u bë temë debat për ndasitë sociale dhe politike, duke përfshirë kritika për zgjedhjen e aktores Rachel Zegler, me prejardhje kolumbiane, në rolin e Borëbardhës.
