Ka ndërruar jetë në moshën 81-vjeçare mjeshtri i madh i humorit, Gëzim Kruja.
Ai ishte prej kohësh në gjendje jo të mirë shëndetësore. Dalja e tij e fundit publike ishte ajo në festën e 80 vjetorit të lindjes që miqtë e teatrit i organizuan.
Mjeshtri i madh ka shkruar 15 komedi, 10 recitate, 2 libra me monologë gazmor.
Ka interpretuar mbi 1000 role në skeçe të ndryshme dhe ka 52 vite që ushtron profesionin e humoristit. Në vitin 2004 ka marrë titullin “Krenaria e Qytetit”.
Në vitin 2005 ka marrë titullin “Naim Frashëri i Artë” dhe në vitin 2010 titullin “Mjeshtër i Madh”.
