Plot 36 shtete të cilët luftuan me top për t’i dhënë fitoren vendit të tyre. Vetëm pas 1 muaji të gjatë “Botërori 2018” u përmbyll me sukses me fitoren e merituar të Francës. Por mund të themi me bindje të plotë se ky botëror përveç i Francës ishte edhe i shqiptarëve. Të përfaqësuar denjësisht nga emra të cilët e çuan peshë emrin e vendit tonë, Era Istrefi, Granit Xhaka dhe Xherdan Shaqiri arritën të na nderojnë edhe këtë herë.
Xherdan Shaqiri dhe Granit Xhaka, dy futbollistët shqiptarë të cilët luajtën me kombëtaren e Zvicrës arritën të na bëjnë krenarë me golat e shënuar kundër Serbisë dhe festimit me simbolin shqiponjës, veprim i cili bëri që për Shqipërinë të fliste e gjithë bota.
Qershia mbi tortë e këtij botëroti ishte këngëtarja Era Istrefi, karriera e së cilës është duke u ngritur dita ditës. “Live it Up” kënga hapëse e garës, bëri që emri i Erës të dëgjohej kudo. Performanca mjaft e realizuar e ditës së sotme bëri që shumë shqiptarë të përloten para ekranit.
Pavarësisht se nuk ishim pjesë e “Botërori 2018” si skuadër kombëtare, ne u përfaqësuam denjësisht më shumë se çdo shtet tjetër pjesëmarrës.
