Botërori ‘Rusi 2018’ ka lënë pas fazën e grupeve për të kaluar në një moment shumë më të nxehtë. Skuadrat do të ndeshen për të përcaktuar finalistet e 1/8. Zvicra është njëra prej skuadrave që ka bërë mirë në këtë kampionat dhe në ndeshjen e radhës do të ketë përballë Suedinë.
Por me sa duket kjo gjë nuk e shqetëson aspak Granit Xhakën dhe futbollistët e tjerë të kombëtares zviceriane. Ata shfaqen duke luajtur me letra dhe duke u argëtuar me njëri-tjetrin në ambientet e hotelit ku po qëndrojnë. Ka qenë vetë futbollisti kosovar i cili i ka publikuar këto pamje, si për të treguar se ata janë mjaft të qetë për të përballuar sfidën e fortë që i pret./revistawho.com
