Ditën e djeshme vajza e vetme e çiftit Rezarta Shkurta dhe Ermal Hoxha festoi 5-vjetorin e lindjes. Në një festë mes familjarëve dhe njerëzve më të dashur, Rezarta ndau disa detajet e festës dhe me pak fjalë përmblodhi gjithçka përjetoi gjatë mbrëmjes që lamë pas. E vogla e familjes ishte arsyeja kryesore që i mblodhi, por këngëtarja ka zbuluar edhe 2 arsye të tjera që fshihen pas mbrëmjes speciale.
“Jam e bindur se nuk do gjej dot fjalët e duhura për të përshkruar ditën e mbrëmshme! Të ftuar njerëz që m’i do shpirti, për të festuar 3 festa. Princesha jonë e vockël u bë 5 vjeç. 5 vjet që na dhuron dashuri pa kushte. Kjo ditëlindje ishte akoma dhe më e bukur duke u festuar bashkarisht ashtu si unë e kisha ëndërruar, që nga dita qe ti linde… Dhe festa e tretë i dedikohet njeriut më të fortë që unë kam njohur, atij që më dhuroi përpos jetës dhe mësimet më të rëndësishme, si të luftoj dhe të dashuroj në të njëjtën kohë! Mbreti im, dashuria ime më e madhe, Babi i cili ashtu si në profesion luftarak, luftoi dhe mundi këtë vit një sëmundje për të cilët doktorët na dhanë jo shumë shpresë! Të gjithë së bashku, duke ndjekur me endje fjalimet sa naive dhe shumë të zgjuara të princeshës sonë shijuam gjithçka”,-shkruan ndër të tjera Rezarta krah fotove nga festa.
https://www.instagram.com/p/BpT9Tg9g4HG/?taken-by=rezartashkurta
E buzëqeshur dhe e lumtur, bukuroshja e ekranit ka ndarë edhe njëherë tjetër me ata që e ndjekin ditën më speciale në mënyrën më të veçantë./revistawho.com
