Dokumentari “Framing Britney Spears” hodhi dritë mbi temën më të diskutuar të momentit, betejën ligjore të këngëtares me të atin për të marrë jetën e saj në dorë. Përpara se Spears të bëhej e njohur, babai i saj nuk ishte fare pjesë e jetës së këngëtares, por dokumetari tregoi se sapo pa që bëhej fjalë për para ai mori jetën e saj në dorë.
Në Gusht, Britney Spears e hodhi në gjyq të atin dhe kërkoi që Jamie Spears të mos jetë më kujdestar i saj.
Sot mediat e huaja raportojnë se në seancën e fundit gjyqësore u vendos se sa i përket financave, i ati s’do të jetë personi i vetëm në kujdestarinë e këngëtares.
Të ardhurat e Spears do të jenë gjithashtu në mbikqyrjen e një pale të tretë dhe Jamie duhet të diskutojë me kompaninë e shërbimeve financiare për çdo vendim që do të marrë.
