Një gjest i bukur dhe mesazh për të gjithë nxënësit që nisën dje vitin shkollor, vjen nga reperi i njohur capital T.
Ai ka bërë një vizitë në shkollën e tij fillore, e cila e ka mbushur me emocion, por dhe me shpresë pasi ka takuar fëmijët e saj.
“Sot është një ditë e veçantë për mua pas shumë vitesh u ktheva në lagjen ku jam rritë aty ku edhe e kam përfunduar shkollën fillore. Shumë kujtime të mira shume emocione por edhe krenari. Pata rastin të takoj disa fëmijë të jashtëzakonshëm shumë më të mirë se gjenerata jonë. Shkolla me një super organizim. Jam shumë i lumtur që ëndrra që ka nisur në këtë shkollë të bëhet realitet, që një ditë të bukur si kjo do të kthehet e të jap një kontribut këtu. E falenderoj zotin që më ka dhënë mundësinë dhe uroj që nga kjo shkollë të dalin personalitete e njerëz të mëdhenj e shumë të suksesshëm”, ka shkruar mes të tjerash reperi shqiptar në postimin e publikuar në rrjetin social, Instagram.
Reperi 28-vjeçar ka një karrierë mjaft të suksesshme në trojet shqiptare. Në datën 19 shtator Capital T do të mbajë një koncert në Tiranë./revistawho.com
https://www.instagram.com/p/B17LzWRBtj1/?utm_source=ig_web_copy_link
