Adrian Gaxha dhe Capital T janë dy nga këngëtarët më të suksesshëm në tregun muzikor shqiptar, sepse ata herë pas here vijnë me projekte të reja dhe mundohen t’u përshtaten shijeve të publikut. Këngëtari Adrian Gaxha po punon për disa këngë të reja që do të hedh në treg dhe ai ka zbuluar bashkëpunimin që do të ketë me reperin Capital T. Adrian Gaxha ka postuar dy fotografi në ‘Instagram’, dhe në njërën prej tyre ka shkruajtur “ I pakapshëm në kreativitet Capital T”. Emisioni ‘Prive’ i dedikuar për showbiz-in ka mësuar se kënga që do të sjellin dy këngëtarët do të jetë shumë ritmike por që do të ketë origjinën në një këngë të njohur popullore. Kujtojmë se vitin që lamë pas reperi Capital T realizoi një version modern të këngës popullore “Hatixhe”, e cila pati një sukses të jashtëzakonshëm.
